Для 20 хлопцаў Шуміліншчыны настаў час, калі яны становяцца не проста
грамадзянамі Рэспублікі Беларусь, але і яе абаронцамі.
Будучыя салдаты ўсклалі кветкі ў скверы Воінскай Славы і на брацкім пахаванні ў г.п. Шуміліна і ўшанавалі памяць загінуўшых хвілінай маўчання.
У Шумілінскім музеі прайшло святочнае мерапрыемства "Прызваны Радзіме
служыць", на якім са словамі падтрымкі і пажаданнямі лёгкай службы да
прызыўнікам звярнуліся Ірына Шалахова - намеснік старшыні райвыканкама,
Андрэй Собін - начальнік адасобленай групы ваенкамата, іерэй Вадзім.
Шчырыя словы на дарогу, якія прагучалі ад Ірыны Трукан, мамы
будучага салдата, кранулі
прысутных у зале.
Не лёгка сёння было выконваць песню Максіму Крыгіну, салісту
рок-гурта "Эксперымент 12": сярод прызыўнікоў у зале, знаходзіўся яго
сын Ягор.
Жадаем усім хлопцам выдатнай вайсковай службы, моцнага здароўя, упэўненасці
у сабе, перамог і дасягненняў у нязведанай імі ваеннай навуцы.
