Звыш 1,5 млн тон цукровых буракоў накапалі ў Беларусі

Звыш 1,5 млн тон цукровых буракоў накапалі ў Беларусі, паведамілі БЕЛТА ў прэс-службе Мінсельгасхарча.

"Цукровыя буракі ўбраны з 30 працэнтаў плошчаў, што складае 32 тыс. га. Накапана 1 млн 517 тыс. т караняплода ўраджайнасцю вышэйшай за мінулагоднюю на 23,1 ц/га", - расказалі ў ведамстве.

Бульбы накапана 290 тыс. т. Сярэдняя ўраджайнасць вышэйшая за мінулагоднюю на 16,8 ц/га.

Усяго агародніны, вырашчанай у адкрытым грунце, па краіне сабрана 48 тыс. т. Засеяныя плошчы складаюць больш як 8 тыс. га, ужо ўбрана 40 працэнтаў.

Паводле аператыўных даных на 24 верасня, з палёў краіны намалочана 9 млн 20 тыс. т збожжа разам з рапсам. Уклад у агульны каравай кожнай вобласці: Мінская - 2262 тыс. т, Гродзенская - 1746 тыс. т, Брэсцкая - 1688 тыс. т, Магілёўская - 1268 тыс. т, Гомельская - 1052 тыс. т, Віцебская - 1004 тыс. т.

Збожжавыя і зернебабовыя культуры без кукурузы ўбраны з 99 працэнтаў плошчаў, што складае 2403 тыс. га. Сярэдняя ўраджайнасць збожжа вышэйшая за мінулагоднюю на 8,2 ц/га. Харчовага збожжа пастаўлена ў лік дзяржзаказу 672 тыс. т - 96 працэнтаў ад плана.

Пасеяна азімых збожжавых на зерне на плошчы 804 тыс. га, або 54 працэнты запланаванага.

Нарыхтавана льнотрасты 112 тыс. т, ураджайнасцю 45,4 ц/га, што вышэй за мінулагоднюю на 11,6 ц/га.

Кукуруза на сілас і зялёны корм убрана з 35 працэнтаў плошчаў, што складае 330 тыс. га. Нарыхтавана сена 520 тыс. т (72 працэнты плана), сенажу - 13 млн 582 тыс. т (97 працэнтаў плана), сіласу - 7 млн 559 тыс. т (37 працэнтаў плана). Травяных кармоў нарыхтавана 6 млн 148 тыс. т (61 працэнт плана).

БелТА