ВЫКАНАЎЧЫ КАМІТЭТ
Золатавалютныя рэзервы Беларусі на 1 чэрвеня, паводле папярэдніх даных, склалі $11,158 млрд у эквіваленце. Адпаведныя даныя апублікаваны на сайце Нацыянальнага банка, паведамляе БЕЛТА.
За май 2025 года золатавалютныя рэзервы выраслі на $215,7 млн (на 2 працэнты) пасля росту ў красавіку на $872,8 млн (на 8,7 працэнта).
Найбольшую долю ў структуры міжнародных рэзервовых актываў Беларусі займаюць актывы ў замежнай валюце і манетарнае золата. Паводле даных Нацбанка, аб'ём замежнай валюты ў рэзервах на 1 чэрвеня бягучага года склаў $4,0882 млрд, павялічыўшыся за май на $267,9 млн, аб'ём манетарнага золата - $5,6723 млрд, зменшыўшыся на $47 млн.
Золатавалютныя рэзервы - высокаліквідныя актывы, якія знаходзяцца пад кантролем дзяржаўных органаў. Згодна з мэтавымі паказчыкамі грашова-крэдытнай палітыкі, аб'ём міжнародных рэзервовых актываў Беларусі на канец 2025 года павінен скласці не менш як $7,1 млрд.